Delay no more西貢半天遊

So sunny day! 因男友早上去了鑽石山掃墓, 我下午先Join佢, 打算去西貢隨便逛逛, 原來鑽石山去西貢的Bus是92, 由頭搭到尾很抵的! 不過搭好耐, 沿途都有D豪宅, 好靚既公務員宿舍等, 睡左幾覺先到, 估不到西貢多人到咁, 一定是天氣好, 好多人帶狗狗出來玩, D狗好靚, 男友逐隻叫我睇, 興奮到(X.x)....有個西貢海濱購物市集, 幾熱鬧的, 隨意買了支自家製檸檬薏米蜜, 好味呀! 裡面有個攤位賣party animal玩具, 播音樂會跳舞, 好搞笑, 見到外籍人士表演扭氣球, Princess, spiderman, butterfly都整到, 勁呀! 入個舊村, 出返黎買盒茶粿, 佢有D好特別味道的茶粿, 南瓜皮紅豆餡, 蘿蔔絲餡, 芝麻芝麻花生餡, 艾草皮菜脯餡, 樣樣都想試, 我最後選了綠茶皮紅豆餡茶粿, 飯後甜點, $12/1盒有兩件, 行到好累, 晚飯就在泰國小吃食, 熱熱地食個凍撈檬, TOPPING點咸豬肉, 脆脆皮, 正! 另外叫蝦醬炒飯, 炒得濕左dd, 太咸, 好彩叫左炒雜菜味道中和番, 叫埋個椰青飲, 好味! 飽晒! 去海邊嘆茶粿, 兩人share 1個先, 好滿足的一天!